د سوریې په اړه له خپل دریځه د ټرمپ شاتګ
داسې ښکاری چی ټرمپ اوس د سختو داخلی او اروپایی متحدانو تر سخت دباو لاندې مجبور شوی دی چی له سوریې د امریکایی عسکرو د ویستلو د وخت له دیرشو ورځو تر ۱۲۰ پورې په زیاتولو سره د خپلو پخوانیو پروګرامونو د تعدیل په ترڅ کې د دمشق په اړه له خپل کلی دریځ هم شاتګ وکړی .
د سوریي له کړکیچه د کابو اتو کلونو په تیریدا سره چی د سوریې په داخلی چارو کی د امریکا او د هغې د اروپایی او عربی متحدانو په لاس وهنې اود دغه هیواد د قانونی حکومت د نسکورولو په خاطر له ترهه ګرو ډلو په ملاتړ سره وو ، اوس د قدرت انډول په بشپړه د سوریې د حکومت او د هغه د متحدانو په ګټه بدل شوی دې .
په عین حال کی په سوریه کی د پراتو امریکایی عسکرو ډیر لګښتونه او له ټولو مهم د واشنګټن د سیمه ایزو ژمنو د کمولو لپاره د امریکا د ولسمشر ټرمپ کړچار سبب شو چی ټرمپ د دسمبر په ۱۹ نیټه په یوه ناڅاپی فیصله کی اعلان وکړ چی له سوریې د امریکایی عسکر وباسی .
داسې ښکاری چی ټرمپ اوس د سختو داخلی او اروپایی متحدانو تر سخت دباو لاندې مجبور شوی دی چی له سوریې د امریکایی عسکرو د ویستلو د وخت له دیرشو ورځو تر ۱۲۰ پورې په زیاتولو سره د خپلو پخوانیو پروګرامونو د تعدیل په ترڅ کې د دمشق په اړه له خپل کلی دریځ هم شاتګ وکړی .
داپه داسی حال کی دی چی ټرمپ مخکې په داعش د بریالیتوب په اعلانولو سره ادعا کړی وه چی نور په سوریه کې د امریکایی عسکرو د شتون د دوام ضرورت نه وینی . په داسې حال کی چی اوس د بلې دندې یعنی د سوریې له کردانو په ملاتړ ټینګار کوی . واشنګټن په وروستیو څو کلونو کې د سوریې په شمال او شمال ختیځ کې له کرد ملیشاو او ډیموکراټیک ځواکونو سره یو ځای د خپلو عسکرو په ځای پر ځای کولو سره ادعا کوله چی له داعش ترهه ګرې ډلې سره مبارزه کوی .
د کره کتونکیو له نظره له سوریې د امریکایی عسکرو د ویستلو لپاره د ټرمپ فیصله په بشپړه شاتګ دې چی له جاجونې او د واشنګټن او د هغه د سیمه ایزو متحدانو لپاره د جدی پایلو او احتمالی خطرو په نظر کې له نیولو پرته ده . همدغه مسله سبب شوی ده چی ټرمپ په یوه بله دریځ نیونه کې د امریکایی عسکرو له وتلو سره سره په سوریه کې د عملیاتو په ترسره کولو ټینګار وکړی .
په دې ډول باید ووایو چی د ټرمپ حکومت له دې زیات چی له سوریې بشپړه او هر اړخیزه وتلو ته پام وکړی یوازې له دغه هیواده خپل عسکر ، عراق ته منتقل کړی او په سوریه کې به د احتمالی پوځی لاسوهنې لپاره خپل چمتووالې وساتی .
