د فلسطین په نیواکی ټاټوبو کې دې ښارګوټو جوړول بند شی
اروپائی اتحادیه له اسرائیلو غواړی ، د یوه نیواکګر قدرت په توګه دې خپلو ژمنو ته پابنده ووسی او دښارګوټو جوړولو فعالیتونه دې پای ته ورسوی
زمونږ خبریال راپور راکړ د اروپائی اتحادئې د بهرنی سیاست مسئولې میرمن فډریکا موګرینی په نیواکی ټاټوبو کې دنورو څه دپاسه دوه زره د هستوګنې کورونو د جوړولو د تصویبیدا په غبرګون کې پرون د یوې اعلامیې په خپرولو سره ټینګار کړی ، دفلسطین په نیواکی ټاټوبو کې د اسرائیلو د ښارګوټو جوړولو دسیاست په زمینې کې د اروپائی اتحادئې دریځ روښانه اوشفاف دی او په دې کې هیڅ بدلون نه دی راغلی ، د ښارګوټو هر ډ ول فعالیت د نړیوالو قوانینو په اساس غیر قانونی دی او د ملګروملتو دامنیت شورا ۲۳۳۴پریکړه لیک په دې ټکی ټینګار کړی دی .
په دغې اعلامی کې راغلی دی ، اروپائی اتحادیه له اسرائیلو غواړی ، د یوه نیواکګر قدرت په توګه دې خپلو ژمنو ته پابنده ووسی او دښارګوټو جوړولو فعالیتونه دې پای ته ورسوی .
