د عراق خاوره به د ګاونډیو هیوادونو پرضد استعمال نشي

زمونږ خبریال وايي د عراق ولسمشر برهم صالح د قطر له خارجه وزیر محمد بن عبدالرحمن ال ثاني سره په کتنې کښې ټینګار وکړ عراق به په هیڅ ګاونډي هیواد باندې د حملې لپاره ونه کارول شي .

هغه وویل عراق د سیمې او د نړۍ د قدرتونو ترمینځ د سولې او د ثبات ټکی او د تفاهم عامل کیدلی شي .

د قطر خارجه وزیر محمد بن عبدالرحمن ال ثاني هم د اوسنیو شرایطو په حساسوالي ټینګار سره د سیمې د امنیت او د هغې د ثبات د ساتلو لپاره سوله ییزو لارو چارو ته د  رسیدا لپاره له نړیوالو او سیمه ییزو لورو سره د ګډ  کار او د غږملتیا اهمیت ته اشاره وکړه .