امریکا په اسلامی هیوادونو کې د ډيموکراسۍ دپراختیا مخالفته ده
د بحرین د اسلامی غورځنګ رهبر همدرازا دبحرین د ولس د استقامت او کلکې دریدا په ضرورت ټینګار کړی او وئیلي ئې دي ، باید د بحرین د ټولنې په درستو پرګنو کې د استکبار سره دمبارزې روحیه ژوندی او تانده ووسي څو د وخت پر طاغوت او فسادګرو بریالي شو .
زمونږخبریال راپور راکړد بحرین داسلامی غورځنګ مشر آیت ا.. شیخ عیسی قاسم بیګا په قم کې د بحرین د پاڅون دکلیزې په یولړ دستورو کې وئیلي دي ،ا مریکایانو تل په اسلامی هیوادونو کې د ډیموکراسۍ له پراختیا سره مخالفت کړی دی ، ځکه مسلمانان د حقیقي آزادۍ په درلودلو سره ، د استکبار ضد اسلامی تعلیماتو په لور حرکت کوي .
د بحرین د اسلامی غورځنګ رهبر همدرازا دبحرین د ولس د استقامت او کلکې دریدا په ضرورت ټینګار کړی او وئیلي ئې دي ، باید د بحرین د ټولنې په درستو پرګنو کې د استکبار سره دمبارزې روحیه ژوندی او تانده ووسي څو د وخت پر طاغوت او فسادګرو بریالي شو .
شیخ عیسی قاسم دخپلې وینا په یوې بلې برخې کې د پيړۍ دمعاملې پلان په اسلامی نړۍ د سخت ګوزار کولو لپاره یوه پیچلي دسیسه وبلله او وې وئيل ، دغه دسیسه د فلسطین او درستو اسلامی هیوادونو لپاره یو امتحان دی او اوس درست مسلمانان دنده لري ، څو ددغه لوي جنایت په وړاندې مقاومت وکړي .
وروستي راپورونه ښئ د بحرین د فرورۍ دڅوارلسم پاڅون د نهمې کلیزې په مناسبت دبحرین په بیلابیلو ښارونو اوښارګیو کې له بیګا راهسې ولسی اعتراضونه پیل شوي او وئیل کیږي ، چې دبحرین دآل خلیفه رژيم امنیتي مامورانو په پلازمینې منامې،بلاد القدیم ، السناس المصلی کرانه، او ځینو نورو سیمو کې د خلکو اعتراضونه د اوښلن ګیس په کارولو سره تیت پرک کړي او وئیل کیږي چې په لسګونو کسان ئې نیولي اوټپیان کړي هم دي.
نن د فرورۍ څوارلسمه نیټه د آل خلیفه رژيم په ضد دبحرین د ولس دپاڅون نهمه کلیزه ده . آل خلیفه رژيم د ۲۰۱۱کال راهسې تر دې دمه د بحرین څه دپاسه یولس زره ښاریز نیولي او زیات شمیر ئې د تابیعیَت په سلبولو سره له هیواده بهر شړلي دي .
