د عراق د ډلو مقاومت به هیڅکله بند نشي
ایرنا خبري اژانس وايي د عراق د نجبا د اسلامي مقاومت غورځنګ ویاند نصر الشمري پرون ټینګار وکړ په هیواد کښې د امریکا د نیواکګرانو د غیر قانوني شتون په هکله د ملت مقاومت به هیڅکله ختم نشي .
هغه وویل په عراق کښې د امریکا د نیواکګرو عسکرو منل د عراق واکمنۍ ، کرامت او وینې ته بې احترامۍ او جنایت دی .
د عراق د النجبا غورځنګ ویاند نصر الشمري وویل له امریکا او نورو نیواکګرو عسکرو سره د عراق د مقاومت د ځواکونو ټکر ښکاره شوی دی .
هغه ټینګار وکړ له عراق څخه د امریکا د نیواکګرو عسکرو تر وتلو پورې به مقاومت بند نشي او دا یوه(۱) پریکنده ، واضح او نهايي فیصله ده .
په دې زمینه کښې د عراق د الحشد الشعبي ولسي ځواک یوه(۱) قومندان علي الحسیني په دې خبرې سره چې امریکا ډیر پیچلي کورني حالات لري وویل دالحشد الشعبي په ځینو ډلو باندې د حملو په هکله د پلان په باره کښې د امریکا په ځینو رسنیو کښې د خبرونو خپریدل د کورونا وایروس له پایلو او د دغه ناروغۍ له کبله له ګډوډۍ څخه د عمومي افکارو د پام د اړولو لپاره د امریکا لخوا یوه(۱) هڅه ده .
