سعودي عربستان په یمن حملو ته دوام ورکړی
Apr 15, 2020 01:15 Asia/Kabul
زمونږ خبریال وايي د سعودي عربستان د تیریګر ائتلاف لخوا د اوربند له اعلان سره سره د یمن په بیلابیلو سیمو د دغه ائتلاف حملې هماغه راز دوام لري .
د یمن د پوځ ویاند یحیی سریع وویل د سعودي عربستان تیریګر ائتلاف په تیرو څلرویشتو (۲۴) ساعتونو کښې په صعده ، مارب او الجوف ولایتونو کښې شپږویشت (۲۶) هوايي بریدونه کړي دي .
هغه وویل د سعودي عربستان تیریګر ائتلاف پینځلس هوايي بریدونه د الجوف ولایت په خب و الشعف ، اته هوايي حملې د مارب ولایت په صرواح سیمه او درې نور هم د صعده ولایت په مجازه سیمه باندې کړي دي .
د سعودي عربستان د تیریګر ائتلاف ویاند ترکي الفیصل په تیرې پنجشنبې ورځ په یمن کښې د اوربند خبر ورکړی وو خو د سعودي عربستان د دغه نمایشي اوربند د اعلان څه ساعتونه نه وو تیر شوي چې د یمن په بیلابیلو سیمو یې حملې له سره پیل کړې .
ټیګونه
