اماراتو له اسلامی نړۍ او فلسطین سره خیانت وکړ
د پاکستان لومړي وزیر عمران خان هم تیره اونۍ د امریکا په دباؤ او لمسونې سره د اماراتو ددغې فیصلې په غبرګون کې وئيلي دي ، اسلام اباد به هیڅکله هم د قدس نیواکګر رژيم په رسمیّت ونه پيژندي .
ایرنا خبری اژانس راپور ورکړ د پاکستان د تحریک انصافف واکمن ګوند یوه مشر او د پنجاب صوبې پخوانی ګورنر چوهدري سرور پرون په یولړ څرګندونو کې وئيلی دي ،له صهیونیسټي رژيم سره د متحده عربی اماراتو داړیکو دعادی کولو موافقه د امریکا په لمسونې سره ده او دا له اسلامي نړۍ او د فلسطین له آئيډیا سره ستر خیانت دی .
چوهدري صیب زیاته کړې ، صهونیسټانو د ماډرنو وسلو او تجهیزاتو څخه له استفادې او دامریکا له بې خرته مرستو سره سره د فلسطینیانو د کلک هوډ او جهادی ارادې په وړاندې ماته خوړلې ده .
د متحده عربی اماراتو دغې فیصلې په درستې نړۍ کې په تیره بیا په اسلامی نړۍ کې سخت غبرګونونه رپارولي دي ، د تیرې جمعې په ورځې په دې مناسبت په درست پاکستان کې دمسلمانانو بیلابیلو ګوندونو او ډلو ټپلو له خوا د اسرائيلو په ضد او د اماراتو ددغې فیصلې په خلاف سترې مظاهرې کړي او له وحشي او تیریګر صهیونیسټي رژيم سره ئې د هرډول اړیکو عادي کول له اسلامی امت سره ستر خیانت بللی دی .
د پاکستان لومړي وزیر عمران خان هم تیره اونۍ د امریکا په دباؤ او لمسونې سره د اماراتو ددغې فیصلې په غبرګون کې وئيلي دي ، اسلام اباد به هیڅکله هم د قدس نیواکګر رژيم په رسمیّت ونه پيژندي .
