عراق له عربستان سره دګډې مانورې هیڅ اراده نه لري
د عراق سیاسی ، امنیتی او اقتصادي ټولنو هم په عراق کې په تیره بیا ددغه هیواد په جنوب او مرکز کې د سعودي عربستان د هرډول پانګونې په باب خبرداري ورکړي دي .
ایرنا خبری اژانس راپورورکړی ، د عراق د ګډو عملیاتو د کمیټې د قوماندان جانشین عبدالامیر الشمري پرون په یولړ څرګندونو کې د ګډې پوځي مانورې دترسره کولو لپاره له عربستان سره د بغداد هرډول موافقه رد کړې او وئيلي دي ،د عراق حکومت له سعودي عربستان سره د ګډې پوځي مانورې لپاره هیڅ ډول موافقه نه لري .
د عراق سیاسی ، امنیتی او اقتصادي ټولنو هم په عراق کې په تیره بیا ددغه هیواد په جنوب او مرکز کې د سعودي عربستان د هرډول پانګونې په باب خبرداري ورکړي دي .
دعراق د ګډو عملیاتو د قوماندان جانشین همداراز د خپلو څرګندونو په بلې برخې کې ددغه هیواد الحشد الشعبي ولسی مبارز ځواک د عراق د پوځي جوړښت او پوځ یوه برخه بللې او زیاته ئې کړې ده ، ددغه ولسی مبارز ځواک پرسنل دګډو عملیاتو د کمیټې تر نظر لاندې عمل کوي .
