فلسطینیانو له صهیونیسټي رژیم سره د مراکش موافقه وغندله
فلسطیني ډلو بیګا له صهیونیسټي رژیم سره د اړیکو د سمولو په لړ کښې د مراکش د حکومت اقدام په کلکه غندلې دی
فلسطیني ډلو بیګا له صهیونیسټي رژیم سره د اړیکو د سمولو په لړ کښې د مراکش د حکومت اقدام په کلکه غندلې دی
د تسنیم خبري آژانس د خبر له مخې، د فلسطین د اسلامي مقاومت غورځنګ (حماس) د مراکش د حکومت د دغه کار په غندلو سره وویل: صهیونیسټي رژيم له هیوادونو سره د اړیکو له ښه کولو څخه، د فلسطیني ولس خلاف د خپلو غلیمانه سیاستونو د زیاتولو لپاره ګټه پورته کوي.
د فلسطین د اسلامي جهاد غورځنګ هم په یوه خبرپاڼه کښې له صهیونیسټي رژيم سره د مراکش د حکومت جوړجاړې له قدس شریف او فلسطین سره خیانت وباله.
د فلسطین کورواکه تشکیلاتو هم له صهیونیسټي رژيم سره د اړیکو د ښه کولو په لړ کښې د مراکش د حکومت اقدام په کلکه وغنده.
د ویلو ده چې د امریکې ولسمشر ډونلډ ټرمپ پرون د مراکش او صهیونیسټي رژيم ترمینځ د ایکو له عادي کیدو خبر ورکړی و.
