امریکا د داعش ډلې غړي له سوریې څخه عراق ته بیولي
سومریه نیوز راپور ورکړ د عراق په دیاله ولایت کښې د مسلمانو علماو د اتحادیې مشر جبار المعموري وویل امریکا د عراق امنیت ته د ګوزار د ورکولو لپاره د داعش ترهګرې ډلې یوشمیر غړي له سوریې څخه عراق ته انتقال کړي دي .
هغه نن وویل له تیرو څو ورځو راهسې د امریکا عسکرو د داعش تکفیري ترهګرې ډلې یوشمیر غړي د سوریې له «الهول» کیمپ څخه عراق ته بیولي دي .
د عراق د مسلمانو علماو د اتحادیې مشر جبار المعموري ډاګینه کړه حقیقت دا دی چې امریکا د لویدیځې اسیا سیمې د امنیت د خرابولو کوشش کوي او په همدې هدف سره د سوریې په الهول کیمپ کښې له موجودو ترهګرو ګټه پورته کوي .
د ویلوده چې د سوریې په الهول کیمپ کښې د داعش ترهګرې ډلې په زرګونو مشران او غړي شته کوم چې د دغه ترهګرې ډلې له نیواک څخه د عراق د ښارونو له ازادیدا وروسته دغه کیمپ ته تښتیدلي دي .
په سوریې او عراق کښې له ترهګرو ډلو سره زیاتې پوځي ، مالي او استخباراتي مرستې امریکا ،انګلستان ، فرانسه ، سعودي عربستان ،متحده عربي امارات ، بحرین ، قطر ، اسرائیل ، ترکیه او ځینې نور عرب او اروپايي هیوادونه کوي .
