ملګرو ملتونو د افغانستان حالات اندیښمن وبلل
الجزیره ټیلي ويژن راپور ورکړ په بشر دوستانه او انساني چارو کښې د ملګروملتونو د سرمنشي مرستیال اسټیفان ډوجاریک په افغانستان کښې د حالاتو د خرابیدا په هکله سخته اندیښنه څرګنده کړه .
اسټیفان ډوجاریک د افغانستان د حالاتو په هکله په بشر دوستانه او انساني چارو کښې د ملګروملتونو د سرمنشي د مرستیال مارټین ګریفیتس د اندیښنې د څرګندولو په ترڅ کښې وویل یوازې په تیره میاشت کښې په هلمند ، قندهار او هرات ولایتونو کښې د ملکي وګړو پرضد په ړندو حملو کښې څه د پاسه زر (۱۰۰۰) کسان مړه او ژوبل شوي دي .
اسټیفان ډوجاریک زیاته کړه مارټین ګریفیتس ټول لوري د بشري حقوقو او د بشر دوستانه قوانینو پراساس په خپلو ژمنو عمل کولو ته وروبلل او په دغو ژمنو کښې د ملکي وګړو د ملاتړ په زمینه کښې د هغوې مسولیت او اړمنو خلکو ته د غیر پوځي موسسو د لاسرسي تضمین شامل دی .
د ملګروملتونو د سرمنشي استازي اسټیفان ډوجاریک ټینګار وکړ په افغانستان کښې جنګ تراوسه کابو څلویښت زره (۴۰۰۰۰) کسان وژلي دي او دغه جنګ باید بند شي .
په تیرو څو اونیو کښې طالبانو د افغانستان ډیرې سیمې له حکومتي عسکرو نیولي دي او دغه کار ته یې اوس هم دوام ورکړی
