د تهران او ځينو نړیوالو ورځپاڼو ته یوه ځغلنده کتنه
د تهران د پښتو خپرونې خوږو مینه والو په دې شیبو کې له نننیو مطبوعاتو سره ستاسو په خدمت کې یوو ، په پیل کې درته د تهران او ورپسې هم د ځینو بهرنیو ورځپاڼو ځيني سرټکي درسره شریک کوو، هیله ده د استفادې وړ مو ګرځي .
داهم د تهران جمهوری اسلامی ورځپاڼه ده چې پخپل انټرنیټي سایټ کې ئې نن لیکلي دي ،د ایران د آبادئ او نفوسو مینځنی عمر لس کاله نورهم زیات شوی دی .
ورځپاڼې په دوام کې لیکلي دي ،د کینیډا حکومت د امریکا په پل د پلۀ په کیښودو سره پر اروپائي هیوادونو غږ کړی ، چې د چین په ضد دې سره یو موټی شي . ورځپاڼه بیا لیکي ، دایرا د قضایه قوې مشر هغه مسیحي بندیان چې په بند محکوم شوي د نوي میلادي کال په مناسبت تر لسو ورځو پورې چټي اخستلی شي .
د یمن پوځ ویندوي په یولړ څرګندونو کې روښانه کړې ده ، د دغه هیواد الجوف ولایت په بشپړ ډول آزاد شوی او نور د سعودي پيّلي ځواکونه پکې هیڅ ډول فعالیتونه نشي کولی .
د میانمار دبشري حقوقو ادارې دیوې اعلامیې په خپرولو سره یو ځل بیا د دغه هیواد دپوځ له جنایتونو پرده پورته کړې او وئيلي ئې دي ، د میانمار پوځیانو په کایه صوبې کې په نښتو کې د ښځو او ماشومانو پشمول دیرش کسان وژلي او بیا ئې مړي سوځولي دي .
د امریکا هرالډ ورځپاڼې په یوه راپور کې وئيلي دي ، له افغانستان د امریکایانو په وتلو کې سټراټژيکه تیروتنه کړې ده او هغه دا چې افغانان ئې په ډیرو سختو مشکلاتو کې یوازې پریښودلي دي اټکل کیږي ، چې دافغانستان نیمه آبادي د لوږې له جدي خطرې سره مخامخ ده او ممکنه ده یو میلیون ماشومان د روان کال تر وروستیو پورې دناوړه خوړو له امله خپل ژوند له لاسه ورکړي .
د پاکستان د پخوانۍ لومړي وزیرې خداي بخښلي بې نظیر بوټو د ترور کلیزه نن په درست پاکستان کې لمانځل کیږي ،دیارلس کاله مخکې د ۲۰۰۸کال د دسمبر په اوه ویشتمه نیټه د پاکستان پخوانۍ لومړۍ وزیره بې نظیر بوټو په پنډۍ ښار کې له یوې سترې غونډې وروسته دکور په لور روانه وه چې په یوه نامعلومې چاودنې کې سره د لسګونو کسانو ووژل شوه او د قاتلان ئې نن هم مشخص شوي نه دي .
داهم د تهران چاپ کیهان ورځپاڼه ده چې پخپل انټرنیټي سایټ کې ئې نن لیکلي دي ، د یمن د وسلوال پوځ ویندوي یحیی سریع پرون ناوخته په یولړ څرګندونو کې وئيلي دي ، دعربستان په پولې کې ئې د جوف ولایت کابو یو زر دوه سوه کلومیټر خاوره آزاده کړې او د تیریګر ائيتلاف ځواکونو ته ئې درندې مرګ ژوبلې او ډیر تاوانونه هم اړولي دي .
د صهونیسټ رژيم وحشي ډوله پوځيانو دفلسطین په نابلس کې په برقه کلی پراخه حمله کړې ، چې له امله ئې له فلسطنیانو سره په اخ وډب کې کابو درې سوه فلسطینیان ټپيان شوي ، وئيل کیږي ، وحشي صهیونیسټي عسکرو پر خلکو باندې مستقیمې ډزې کړي او په لسګونو کسان ئې نیولي هم دي ، وئيل کیږي ،په دغه اقدام پسې د فلسطین مبارزې ډلې یو ځل بیا تیارسۍ شوي او وحشي صهیونیسټانو ته ئې د غچ اخستو په باب سخت خبرداری ورکړی دی .
د اسلامی انقلاب دسپاه پاسداران د قدس ځواک دوه ځوانان د ایران دسیستان او بلوچستان ولایت د زاهدان په یوې عمومی سیمې له اشرارو په نښتې کې شهیدان شول
د ترکیې ولسمشر رجب طیب اردوغان په دغه هیواد کې دعمومي مظاهرو په زیاتیدا پسې ژمنه ورکړې چې هیواد به ډیر زر د نړۍ په لسو برلاسه اقتصادونو کې ودروي . داپه داسې حال کې دي چې د ترکیې د کرنسۍ په ډيرې کمیدا پسې ددغه هیواد خلک واټونو ته وتلی او د ارودغان په اقتصادي سیاستونو ئې سختې نیوکې کړي دي .
په فرانسې کې د کریسمس ورځ یو ځل بیا د حکومتي ضد مظاهرو په دوام بدله شوې او خلک د خوشالۍ په ځاي په سختې غوسې او کرکې سره واټونو ته وتلي او د حکومتي سیاستونو باندې په اعتراض کې ئې چغې پورته کړي دي .
د روسیې د پوځي چارو یو کارپوه او شناندي الکسی لئونکوف په یولړ څرګندونو کې وئيلي دي ، روسیه په هغو توغندیو سره چې ئې لري ، یوازې په دولسو دقیقو کې واشنګټن په کنډوالې بدلولی شي .
طالبانو یو هزاره ډاکټر عبدالطیف نظري چې په ایران کې ئې پي ایچ ډي ترلاسه کړې ، د افغانستان د موقته حکومت د اقتصادي چارو د وزارت د مرستیال په توګه منصوب کړ .
د پاکستان لومړي وزیر عمران خان وئیلی دي ، د اسلام د حقیقت او ځانګړنو په باب د روسیې د ولسمشر ولادیمیر پوتین وروستۍ څرګندونې اروپایانو ته ډير لوي درس ورکوي ، چې نور دې د اسلام د سوله غواړي او دوستۍ ددین په ضد له پروپيګنډیزو سیاستونو لاس واخلي او په نړۍ کې دې د ورورولۍ او سوکالۍ لپاره ګامونه پورته کړي .
داهم دتهران ابرار ورځپاڼه ده چې پخپل انټرنیټي سایټ کې ئې لیکلي دي د ایران د اسلامی انقلاب د سپاه پاسدارانو ویندوي وئیلی دي ، د پیامبر اعظم ۱۷نومې مانورې د سیمې او نړۍ په وړانډې وښودله چې د ایران دملت قدرت او تیارسی د خپل ټاټوبي او ملت د دفاع لپاره دی او که څوک کومه سټراټژيکه تیروتنه وکړي ،نو په یاد دې وساتي چې سملاسي به غاښ ماتونکی ځواب ترلاسه کړي .
ورځپاڼې په دوام کې لیکلي دي ،د ایران دسیاحت ، ټوریزم او کلتوري چارو وزارت په یوې اعلامیې کې وئيلي دي ، دایران سمندري او مځکني پولې به تر پنځلسو ورځو پورې پر سیلانیانو تړلي وي . په دغې اعلامیې کې همداراز د انګلستان او یوشمیر نورو اروپائي هیوادونو پشمول پر اتو افریقائي هیوادونو له پلوه هم هوائي الوتونه بند کړي دي .
په ویانا کې د لویدیځي لوري یوې سرچینې چې غوښتل نامه ئې وانخستل شي ، وئيلي دي ، د جامعې نړیوالې ایټمي موافقې په باب دایران او ۴+۱ ډلې تر مینځ د روانو خبرواترو چې د څو ورځو لپاره ځنډيدلې ، د مسودې په لیکلو کې هاله پرمختګ شوی ، چې د فرانسې لوري پلاوی له څو ورځو راهسې په ویانا کې شتون نه لري ، دغې سرچینې دغه راز وئیلي دي ، د ایران و ۴+۱ډلې ترمینځ د خبرواترو د نهائي متن په لیکلو کې د فرانسې لوري خنډونه جوړول چې اوس ئې په نه شتون سره ددغه متن او مسودې په لیکلو کې څه خاص ستونز نه رامینځة کیږي .
المیادین ورځپاڼې تل ابیب ته د امریکا د ملی امنیت د سلاکار جک سالیون سفر ته په اشارې سره په یوه تحلیل کې لیکلي دي ، اسرائيل نور دامریکا لومړیتوب نه دی او امریکا دجامعې نړیوالې ایټمي موافقې په احیاء پسې ده.
د روسیې د ولسمشر ولادیمیر پوتین او د مصر د ولسمشر عبدالفتاح السیسی په ټيلیفوني خبرو کې په لیبیا کې د بهرنیو په تیره بیا د امریکا او انګلستان د لاسوهنو د ختمولو په ضرورت ټينګار شوی دی .
د افغانستان په ننګرهار او کنړولایتونو کې په سرحدي پستو کې دطالبانو ځواکونه تیارسی شوي او وئیل کیږي ، چې دطالبانو لوی درستیز فصیح الدین فاتح په یولړ څرګندونو کې ګواښ کړی ، چې له ګاونډیانو سره ښې اړیکې غواړو ،خو هیچا ته د افغانستان په داخلی چارو کې د ګوتوهنې اجازت نه ورکوو ، او د افغانستان په یوه اینچه خاورې باندې تیری هم دزغمولو وړ نه دی .
داپه داسې حال کې دي چې د پاکسان دپوځ یوې خبرې سرچینې وئيلي دي ، د سرحدي شخړې په باب ئې د طالبانوله حکومتي لوري سره په لوړه سویه خبرې اترې کړي ، چې د یوې موافقې په اساس دغه شخړه نوره حل شوې ده .
اوس هم راګرځو ځینو هغو نړیوالو ورځپاڼو ته چې د افغانستان په باب ئې ځيني لیکنې کړي دي ، البته باید ووایو چې دغه لیکنې ددغو ورځپاڼو خپل دریځونه دي .
ډېلي ریکورډ ورځپاڼه ؛
ډېلي ریکورډ ورځپاڼې چې له سکاټلنډه خپرېږي په افغانستان کې د مرګ له ګواښ سره د ۵ لکه ماشومانو د مخامخېدو په اړه مقاله خپره کړې ده.
دغې ورځپاڼې له دې مقالې سره په خوارځواکۍ د څو اخته ماشومانو عکسونه هم خپاره کړي چې ځینو روغتیايي مرکزونو ته د لومړنۍ درملنې په موخه لېږدول شوي دي.
د لیکنې په پیل کې راغلي، په افغانستان کې د طالبانو له ولکې او له دغه هیواد ه د د بهرنیو عسکرو له وتلو وروسته دغه هېواد له یوه بحران سره لاس او ګرېوان دی چې بهرنۍ مالي مرستې بندې شوي او سخت ژمی هم په مخکې دی.
لیکوال زیاتوي:په داسې حال کې چې د شنبې په ورځ (د مرغومي ۴مه) مونږ د کرسمس په مناسبت د ماښامنۍ د خوړلو لپاره سره غونډ شوي وو، په جګړه ځپلي افغانستان کې ډېر لږ خلک په دې پوهېدل چې نیمه نړۍ د کرسمس جشنونه لمانځي.
ډېلي ریکورډ خپرونې ، د مرستندویو ادارو په حواله ویلي، په افغانستان کې تر اتو میلیونو زیات کسان له قحطۍ سره مخامخ دي او ۵ لکه ماشومان ښايي په را روانو درېیو میاشتو کې د خوارځواکۍ له کبله د مرګ له ګواښ سره مخامخ شي.
ډېلي مېل ورځپاڼې چې له بریتانیا خپرېږي د طالبانو له خوا پر نوو محدودیتونو لیکنه خپره کړې ده.
د طالبانو د امر بالمعروف، نهی عن المنکر، جلب او جذب او سمع شکایاتو وزارت موټر چلوونکو ته په ۶ فقرو کې یو لړ سپارښتنې کړي دي.
په دغو سپارښتنو کې په موټرو کې پر موسیقۍ بندیز او موټر ته د هغو ښځو نه خېژول شامل دي چې محرم ورسره نه وي او د سفر اندازه یې ۴۵ مایله وي.
په موټرو کې د نشه یي موادو پر کارولو بندیز او د لمانځه پر وخت په مناسب ځای کې د موټر درول او د ږیرې په باب خلکو ته توصیه شامله ده.
ډېلي مېل د فرانسې خبري اژانس په حواله لیکلي، په ټولنیزو شبکو کې دغه توصیې په داسې حال کې خپرې شوې چې د طالبانو دغه وزارت څو اوونۍ مخکې په ټلوېزیوني ډرامو کې پر ښځینه ممثلانو بندیز اعلان کړی و.
دغه وزارت د ټلوېزیونونو ښځینه ویاندویانو ته سپارښتنه کړې وه چې د خپرونې وړاندې کولو پر مهال حجاب په بشپړ ډول رعایت کړي.د ورځپاڼې په لیکنه، د حجاب رعایتولو غوښتنه داسې مهال کېږي چې په افغانستان کې اکثریت ښځې له وړاندې اسلامي حجاب کاروي.
