ملګروملتونو د افغان میرمنو په نیول کیدا اندیښنه څرګنده کړه
صدای افغان خبري اژانس وايي په افغانستان کښې د ملګروملتونو د نمایندګۍ دفتر د ښځو د حقوقو د دوو (۲) فعالانو په بې درکه کیدا باندې د اندیښنې په ښودلوسره په طالبانو غږ وکړ د دغو دوو (۲) میرمونو د بندي کیدا د ځاې په هکله اطلاعات ورکړي .
په افغانستان کښې د ملګروملتونو نمایندګۍ یوناما پرون په یوې (۱) خبر پاڼه کښې د تمنا زریاب پریاني او د پروانه ابراهیم خیل په نومونو د دوو (۲) ښځینه فعالانو په تښتولو باندې د اندیښنې په څرګندولو سره په طالبانو غږ وکړ چې د دغو دوو (۲) ښځو په هکله د اطلاعاتو په ورکولوسره د هغوې د بندي کیدا ځاې اعلان کړي .
دا په داسې حال کښې چې د طالبانو د کورنیو چارو وزارت د دغو دوو (۲) ښځینه فعالانو نیول رد کړي دي .
د طالبانو ویاند ذبیح الله مجاهد مخکې د تمنا زریاب پریاني د نیول کیدا د خبر په ردولو سره هغې ته اړونده ویډیو جعلي بللي وه .
د میرمن زریاب په ویډیو کښې چې په اینټرنیټ پاڼو خپره شوي ده هغه چغې وهي چې طالبانو زما د نیولو لپاره زما په کور حمله کړي ده .
په عین حال کښې ایسوسي ایټیډ پریس خبري اژانس د یوه(۱) عیني کتونکي په قول ادعا وکړه چې طالبانو په تیرې چهارشنبې ورځ د تمنا زریاب پریاني په کور یرغل کړی او هغه او د هغې درې (۳) خویندې یې نیولي او له ځانونو سره یې بیولي دي .
