د ایران پرضد د امریکا پوځي ګواښ مینځ تشی دی
زمونږخبریال وايي د ډونالډ ټرمپ د ولسمشرۍ په وخت کښې د امریکا د ملي امنیت پخواني سلاکار جان بولټن د ایران پرضد د واشنګټن د اوسني حکومت په سیاست باندې نیوکې سره د ایران پرضد پوځي ګواښونه مینځ تشي وبلل .
جان بولټن له « نیوزویک» اونیزې سره په مرکه کښې چې پرون خپره شوه وویل د جوبایډن حکومت د هغه ګروهنې په دلیل چې د بریالیتوب لپاره یې لري بالاخره اټومي تړون ته بیرته ورستون شي .
جان بولټن ادعا وکړه د جوبایډن حکومت په تیر کال کښې د دې لپاره چې اټومي تړون احیا کړي خپل ځان ذلیل کړی دی او د میز شاته یې امتیاز ورکړی دی .
جان بولټن په سپینې ماڼۍ کښې د شتون په وخت د ډونالډ ټرمپ د ملي امنیت سلاکار په توګه د ایران پرضد د زیات دباو د راوستلو تر ټولو سخت پلوي و .
د امریکا ډیرې اوسنیو حکومتي چارواکو او سیاسي شناندو ویلي دي چې د واشنګټن دغه سیاست ماتي خوړلي ده او له اټومي تړون ورهاخوا د یوې(۱) بلې موافقې لپاره خبرو اترو ته د ایران د مجبورولو لپاره د خپل اصلي هدف په تحقق کښې ناکامه شوی دی.
د جوبایدڼ په مشرۍ د امریکا اوسنی حکومت ادعا کوي چې نیت لري د ویانا د خبرو اترو له لارې امریکا اټومي تړون ته ورستنه کړي خو عملا اوس یې هم د تهران پرضد د زیات دباو د سیاست له اجرا کولو شاتګ نه دی کړی .
