ټرمپ:
دنیا په افغانستان کښې د امریکې حماقتونه په ډاګه ولیدل
د امریکې تیر ولسمشر ډونلډ ټرمپ ټرمپ یو ځل بیا مدعي شوی چې په افغانستان کښې د امریکې له شرمه ډکې ماتې د دې هیواد دښمنان زړه ور کړي دي
د امریکا پخواني ولسمشر ډونالډ ټرمپ په یوه مرکه کې ویلي دي: ټولې نړۍ مونږ ته کتل چې په افغانستان کې مو څه حماقتونه وکړل.
د ده په خبره کومې تېروتنې چې امریکا په افغانستان کې وکړې ټولې نړۍ ولیدلې او دا خو واضحه خبره ده چې زموږ کمزوري او تېښته یې ولیدله.
ټرمپ له افغانستانه د امریکې تیښته، په خپل ګمان د ایران، چین، شمالي کوریا او روسیې د زړور کیدو وجه بللې او وایي: نن چې په یوکراین کې کوم وضعیت رامنځ ته شوی زمینه یې میاشتې مخکښې بایډن په افغانستان کې برابره کړه او روسیې ته یې روحیه ورکړه.
د ټرمپ دا څرګندونې په داسې حال کښې دي چې د ایران اسلامي جمهوریت او روسیې هیڅکله د امریکې د دړکو او ظالمانه بندیزونو پروا نه ده کړې او خپل سیاستونه په تیره بیا د صهیونیسټي رژیم مخالفت یې تل جاري ساتلی دی.
