روسیې د اروپايي اتحادیې د غړیو هیوادونو اقدام غندلی

ایرنا خبري اژانس وايي د روسیې د بهرنیو چارو د وزارت ویاندې میرمن ماریا زاخارووا په یوې خبر پاڼه کښې د اروپايي اتحادیې د غړیو هیوادونو لخوا د ماسکو ډیپلوماټانو ایستلو ته غبرګون وښود .

هغې وویل روسیه د اروپايي هیوادونو لخوا دغه د نه منلو وړ اقدام غیر دوستانه ګڼي .

ماریا زاخارووا وویل د اروپايي اتحادیې ارګانونو چې څو کاله کیږي په سیسټاماټیک ډول د روسیې او د اروپايي اتحادیې ملګرتیا خرابوي همدا اوس ثابته کړه چې له روسیې سره د عادي ډيپلوماټیکو چینلونو له ساتلو سره دلچسپۍ نلري .

هغې وویل روسیه به یه یوه لنډ وخت کښې د اروپايي اتحادیې دغه اقدام ته ځواب ورکړي .

اروپايي هیوادونو په تیرو څو ورځو کښې په یوه غږمله اقدام کښې د روسیې په لسګونو ډیپلوماټ وویستل .