د ملګروملتونو سرمنشي نن د اوکراین له ولسمشر سره خبرې کوي
ایرنا خبري اژانس وايي د ملګروملتونو د سرمنشي مرستیال فرحان حق وویل انټونیو ګوټریش به نن د اوکراین له ولسمشر ولودیمیر زلنسکي سره کتنه او خبرې وکړي .
هغه وویل د ملګروملتونو سرمنشي انټونیو ګوټریش پرون سهار له پولینډ څخه اوکراین ته تللی دی او د اوکراین پلازمینې کي یف ته رسیدلی دی او نن به د اوکراین له ولسمشر ولودیمیر زلنسکي او خارجه وزیر دیمیترو کولیا سره کتنه او خبرې وکړي .
د ملګروملتونو سرمنشي انټونیو ګوټریش د اوکراین د جنګ له پیلیدا راهسې د دغه جنګ په هکله بیلابیل نظرونه اعلان کړي دي خو په دې زمینه کښې د هغه په کړچار باندې د نورو نړیوالو پیښو په شان ډيرې نیوکې شوي دي .
په انټونیو ګوټریش بانډې نیوکه کونکي باوري دي دا خبره چې د اوکراین د کړکیچ د میځګړي رول د ترکیې د فرانسې او د اسټریا په شان هیوادونه لوبوي اندیښمنونکی چاره ده او دوې خبر نه دي چې ایا د ملګروملتونو سرمنشي ګوټریش د دغه میځګړیتوب د پردې شاته ولاړ دی او که نه .
