د روسیې پوځیان د اوکراین سورودونتسک ښار ته ننوتل
ایرنا خبري اژانس وايي د اوکراین یوه چارواکي په لوهانسک ولایت کښې د کي یف تر کنټرول لانډې تر ټولو ستر ښار سورودنتسک(severodvinsk) ته د روسیې د پوځیانو د ورننوتلو خبر ورکړ.
د لوهانسک والي «سرهي هایدي »په دې خبرې سره چې د روسیې پوځیان د سورودونتسک ښار له شاوخوا څخه د ښار د مرکز په لور د حرکت کولو په حال کښې دي وویل د سوردو دونتسک ښار اوبه او ګاز غوڅ شوي دي.
د اوکراین په ختیځ کښې د روسیې د پوځ پرمختګ دوام لري او ولسمشر ولودیمیر زلنسکي له دې مخکې ویلي وو چې په دونباس په تیره بیا په سورودونتسک ، لیسچانسک ، باخموت او پوپاسنا سیمو کښې حالت هماغه راز ستونزمن دی.
د اوکراین ولسمشر زلنسکي ته نږدې سلاکار الیکسي ارستوویچ هم په ټیلي ويژن باندې یوه ژوندي پروګرام کښې اعتراف کړی و چې د اوکراین عسکرو د لیمان ښار کنټرول له لاسه ورکړی دی .
د روسیې دفاع وزارت ویاند ایګور کوناشنکوف هم په تیرې شنبې ورځ وویل چې لیمان په کامل ډول د اوکراین د ملي پالو کسانو له کنټرول څخه ازاد شوی دی.
