پولینډ د اوکراین د لویديځ سیمې له ځان سره کوي
مهر خبري اژانس وايي د لوهانسک جمهوریت لوړرتبه ځايي چارواکي وویل پولینډ د لویدیځو هیوادونو په خواښې سره د اوکراین د لویدیځ د ځینو سیمو له خپلې خاورې سره یوځاې کول پیل کړي دي.
د لوهانسک جمهوریت لوړرتبه ځايي چارواکي رودیون میروشنیک وویل: پولینډ هڅه کوي چې په چپتیا سره د اوکراین د لویدیځ سیمې له خپلې خاورې سره یوځاې کړي او بې شکه په دې زمینه کښې له لویدیځو هیوادونو سره موافقه شوي ده.
هغه وویل د اوکراین ولسمشر ولودیمیر زلنسکي په دغه کار کښې مشارکت لري.
د اوکراین په ختیځ کښې د روسیې لخوا دغه ځايي ټاکل شوي چارواکي مخکې هم ټینګار کړی و چې پولینډ له مخکې څخه د اوکراین د لویدیځ د ځینو سیمو د راتلونکي د برخلیک په هکله خاص پروګرامونه او موافقې ترسره کړي دي.
په تیرې اپریل میاشت کښې هم د روسیې د خارجي استخباراتي ادارې مشر سرګي ناریشکن ویلي وو د ترلاسه شویو راپورونو پراساس امریکا او پولینډ په داسې پلانونو کار پیل کړی دی چې پولینډ به د اوکراین په لویدیځ کښې په خپلو تاریخي ټاټوبو باندې پوځي او سیاسي کنټرول ټینګ کړي.
د اوکراین او د لویدیځو هیوادونو چارواکو تراوسه دغه خبر ته کوم غبرګون نه دی ښودلی او پولینډ هم په دې هکله چپتیا غوره کړي ده.
