د امریکا حکومت د افغانستان طالبانو ته ګواښ وکړ
ایرنا خبري اژانس وايي د امریکا د بهرنیو چارو د وزارت ویاند نیډ پرایس د افغانستان په طالبانو باندې د دباونو د زیاتولو ګواښ وکړ.
د نیډ پرایس دغه دریځ د افغانستان په کورنیو چارو کښې د امریکا د بې ځایه لاسوهنې یوه بله بیلګه ده.
د امریکا د خارجه وزارت ویاند نیډ پرایس ادعا وکړه چې د طالبانو حکومت د افغانستان او د دغه هیواد د خلکو په وړاندې د خپلو ژمنو په اجرا کولو کښې ناکامه دی او امریکا په همدې علت په طالبانو باندې دباونو زیاتوي.
نیډ پرایس ادعا وکړه چې د افغانستان طالبان په ښکاره ډول د تورنو کسانو په سزا کولو سره په افغانستان باندې د خپلې سلطې مخکني پړاو ته ورستنیږي.
د بشري حقوقو په تیره بیا د ښځو د حقوقو رعایتول د طالبانو د حکومت په رسمیت د پيژندلو لپاره د نړیوالې ټولنې یو اصلي شرط دی.
خو طالبانو ډلې واک ته له رسیدا وروسته له شپږم ټولګې څخه د بره ښځینه زده کونکو لپاره په زده کړې بندیز لګولی او له ورکړل شویو ژمنو سره سره یې تراوسه د دغه مشکل د حل کولو لپاره هیڅ ګام نه دی پورته کړی.
