د سیمې مسائیل په خبرو سره حل کیږي
ایرنا خبري اژانس د چین د بهرنیو چارو د وزارت د خبري سایټ په قول راپور ورکړ د چین لوړرتبه ډیپلوماټ «شینګ هایمینګ» وویل د ایران او د عربستان موافقې وښودله د مسائیلو د حل کولو لپاره یوازنۍ سمه لاره سیمه ئیزې خبرې اترې او مشورې دي.
په جنوبي کوریا کښې د چین سفیر شینګ هایمینګ له «ګوانګجو ډیلي» ځايي ورځپاڼې سره په مرکه کښې وویل د خبرو اترو له لارې د ایران او د عربستان ترمینځ د اړیکو له عادي کولو سره په مرسته کښې د چین اقدام د سیمې د سولې له پیاوړتیا سره د مرستې او د مینځني ختیځ سیمې د امنیت او د ثبات په پیاوړتیا کښې د یوه اغیز شیندونکي اقدام په توګه د ډیرو هیوادونو لخوا وستائیل شو.
هغه دغه راز په کوریا ټاپووزمې کښې د اوسني کړکیچن حالت په هکله د چین د اندیښنې په اړه وویل چین له ټولو ښکیلو لورو غواړي چې د یوه بل له هڅولو دې ډډه وکړي او د حالاتو د ښه کیدا او د کوریا ټاپووزمې د موضوع د سیاسي حل لارې د بهیر د مخ ته د بیولو لپاره له یوبل سره ملګرتیا وکړي.