ملګری ملتونه دې فلسطین ته مالی مرستې نه دروي
په ملګروملتو کې د چین سفیر فلسطین ته ددغې موسیسې دمالي مرستو دغوڅيدا په باب سخت خبرداری ورکړ.
ایرنا خبری آژانس راپور ورکړ،په ملګروملتو کې دچین سفیر او دایمي استازيژانګ جون پرون ناوخته د فلسطینیو کډوالو لپاره دملګروملتو د مرستندویه ادارې (آنروا)ته دمالی مرستو په غوڅولو پسې د فلسطین د امنیت شورا په ناستې کې ووئيل، که فلسطین ته دملګروملتو مالی مرستې په بشپړډول ودرول شي، نو د زرګونو فلسطینیانو ژوند له خطرې سره مخ کیږي.
په ملګروملتو کې د چین سفیر د امنیت شورا پنځلسو غړو شورا ته ووئيل،د غزې د وضعیّت په باب د بې پولې ډاکټرانو د ادارې د مشر کریسټوفرلاک یّر په څرګندونو ئې وحشت احساس کړی دی.
ژانګ ووئيل، هیله مند یوو هغه غمجنونکی انځور چې کریسټوفر لاک د غزې په باب مونږ ته انځور کړی، ددغې شورا د یوه غړي وجدان باندې اغیزې وشیندل شي.
کریسټوفر لاک دملګروملتو امنیت شورا ته بیګا ووئيل، یو داسې ماشوم هم شته چې د کورنۍ هیڅ یو غړی ئې ژوندی نه دی. هغه زیاته کړې ده ، هغه ماشومان له دغه جنګه ژوندي پاتې کیږي،نه یوازې به فیزيکي زخمونه ولري ، بلکې نه لیدونکي زخمونه به هم وزغمي او د ژوند تروروستیو پورې به ورڅخه کړیږي. د غزې خلک اوربند ته اړتیا لری، البته یوه ورځنۍ اوربند نه ،بلکې دایمي اوربند ته اړتیا لري که لټي وشي،نو انسانیّت به موهیڅکله هم ونه بخښي.
