ایرانۍ څیړونکې ته د بلغاریا رسمي جایزه ورکړل شوه

پارس ټوډی – د بلغاریا ولسمشر د لومړي ځل لپاره ایرانۍ څېړونکې مېرمن "هاجر فیوضي" ته د بلغاریا د ویاړ رسمي بیز ډالۍ کړ.

د بلغاریا ولسمشر رومن رادف په یو لړ مراسمو کې د لومړي ځل لپاره د ایرانولوژۍ مخکښ پروفیسور او د فارسي ژبې څیړونکې "هاجر فیوضي " ته چې په ​​بلغاریا او صوفیا پوهنتون کې د ایرانولوژي او د فارسي ژبې د ودې په برخه کې ۶۰ کلنې هڅې کړې وې، رسمي جایزه ورکړه.

رادف په دغه مراسمو کې وویل: دا ستاينه د ټولنې د کلتوري او ټولنيزو موخو او د ټولنې د معنوي او تمدن د پرمختګ په برخه کې د ايراني څيړونکې آغلې "هاجر فيوضي" ژمنتيا ته د ټولنې ژور درناوى څرګندوي.

د بلغاریا ولسمشر همدا راز په بلغاریا کې د ایران د سفارت له کلتوري سلاکارانو« هاجر فیوضي» او «مسعود احمدی» سره په کتنه کې د کلتوری او مدنی هڅو قدرداني وکړه.

هغه زیاته کړه، ایران او بلغاریا دوه تمدن لرونکي هېوادنه دي چې تاریخي او خورا غوره کلتوري اړیکي لري.

د دې لیدنې پر مهال فيوضي په بلغاريا کې د فارسي ژبې پر مهم مقام هم ټينګار وکړ او زیاته یې کړه، په بلغاريا کې يې د فارسي ژبې د لغتونو د کتاب خپرېدل د دواړو هېوادونو د فرهنګ د لا ښه پوهاوي لپاره يو ښه هم ګام دی.

هغې  د بلغاريا له جمهور رييس څخه مننه وکړه چې د تمدن او کلتوري کټګورۍ په برخه کې د اهمیت وړ اقدامات کوي.