دوبلین؛ اسرائيل د ایرلینډیانو د غږ د خاموشولو جوګه نه دي
پارس ټوډې- د تیرې یکشنبې ورځې، د صهیونیسټي رژیم خارجه وزیر ګدعون ساعر په ایرلینډ کې د تل ابیب د سفارت د هغه څه په دلیل چې د ایرلینډ اسرائيلي ضد سیاست ئې بللی دی، په ایرلینډ کې ئې د تل ابیب د سفارت دبندیدا خبر ورکړی.
د ایرلینډ لومړي وزیر سایمن هریس وئیلي دي ، چې هیواد به ئې هماغه شان په غزې تړانګې کې د فلسطینی ولس په ضد دصهیونیسټي رژیم په حملو نیوکو ته دوام ورکړي او دغه رژيم به دایرلینډ د غږ د خاموشولو جوګه نه وي.
پارس ټودې راپور ورکړی، هریس له خبریالانو سره په خبرو کې په ډوبلین کې دخپل سفارت د بندولو لپاره د اسرائيلو فیصله دعمومي افکارو دمنحرفولو ډيپلوماسي وبلله. هغه ووئيل، آیا پوهیږئ چې څه باید محکوم شي؟ د ما شومانو وژل ، په غزې کې د عامو خلکو مړینې ، په لوږې کې د خلکو پریښودل او دانسان دوستۍ مرستو دریدا، زما په اند ،دغه شیان دي چې باید محکوم شي.
هریس زیاته کړې ، ټولو د ایرلینډ ددریځو تپوس کاوۀ،خو د اسرائيلو د اقداماتو په باب څه؟د هغو کارونو په باب چې نتنیاهو په غزې تړانګې کې د بېګناه ماشومانو په ضد کړي دي، څه؟،دا یوه ورانکاره ډيپلوماسي ده::
د یادولو ده چې دتیرې یکشنبې په ورځې د صهیونیسټ رژیم خارجه وزیر ګدعون ساعر په آیرلینډ کې دهغه څه په دلیل چې د ایرلینډ اسرائيلي ضد سیاست ئې بللی ،د تل ابیب د سفارت د بندولو خبر ورکړی دی.
صهیونیسټي رژیم له ډوبلینه خپل سفیر په تیر مئ میاشت کې د فلسطین هیواد د په رسمیّت پيژندنې لپاره د ایرلینډ له فیصلې وروسته وربللی ؤ.
تیره اونۍ ایرلینډ اعلان کړی چې د هیګ په نړیوالې محکمې کې داسرائيلو په ضد د جنوبی افریقا په وسیله له وړاندې شوي قضائي دوسیې سره یو ځاي شوی دی . دغه شکایت اسرائيل په غزې تړانګې کې په نسل وژونکو جنایتونو تورنوي.
