پاریس؛ داسي یو ځای چي ناوکۍ هم له فلسطیني ماشومانو څخه د ملاتړ حق نه لري!
-
په پاریس کې د فلسطینيانو په ملاتړ کې مظاهرې
پارس تودی – فرانسه د فلسطین د ملاتړو په اعتراضاتو کې د سور رنګ او د ناوکیو استعمال ممنوع ګرځولی دی.
په فرانسه کې اوس له غزې څخه په ملاتړ کې په مظاهرو کې د سور رنګ او یا د هغو ناوکیو ښودنه چي د فلسطیني ماشومانو د حالاتو بیانوونکې دي، ممنوع شوې ده، په داسي حال کې چي اسرائیل رژیم د ۲۰۲۳ میلادي کال د اکټوبر له میاشتې هلته په نسل وژنې لګیا دی. د فرانسې حکومت د فلسطین ملاتړو مظاهره کوونکو ته امر کړی دی چي نور دې په خپلو اعتراضاتو کې د ناوکیو او سور رنګ له کارولو ډډه وکړي.
د پارس تودی له راپور سره سم، له غزې څخه په ملاتړ کې په مظاهرو کې چي په روانه اوونۍ کې په پاریس کې تر سره شو، د تیرو اوونیو په پرتله د پولیسو د ځواکونو شمېر زیات شوی وو څو د مظاهره کوونکو له لورې د سور رنګ او د ناوکیو د کارولو او د فلسطیني جامو د اچولو مخنیوی وکړي.
د فلسطین – اروپا د موسسې مدیر اولیویا زمور په دې هکله وویل: « د فرانسې حکومت مونږ ته خبر راکړی دی چي اجازه نه لرو چي د فلسطیني میندو، ماشومانو او بندیانو حالات نندارې ته وړاندې کړو، هغوی مونږ ته ویلي چي دا بوږنوونکی دی ، د هغو ماشومانو په اړه خبرې چي د خپل مېندو په غېږ کې ساه ورکوي، د سړې خوا ګرځوي.»
د فلسطین یو ملاتړ مظاهره کوونکی هم له دغه تضاد څخه د خواشینی په څرګندولو سره، وویل: د حکومت له نظره مظاهرې بوږنوونکې دي، په داسي حال کې چي په غزې کې د ماشومانو حقیقې قتل عام په دا ډول نه دی.»
هره اوونۍ د فرانسې د پلازمینې پاریس په یوه سیمه کې له غزې څخه په ملاتړ کې مظاهرې تر سره کیږي.
د غزې د روغتیا وزارت د وروستیو معلوماتو له مخې، د ۲۰۲۳ میلادي کال له اکټوبر څخه را په دې خوا، صهیونیستي رژیم ۵۱۳۰۵ تنه فلسطینیان شهیدان شوي او ۱۱۷۰۹۶ تنه هم ژوبل شوي دي.