ونزویلا: نړۍ یوې کلتوري انقلاب ته اړتیا لري

پارس‌ ټوډی- د ونزویلا ولسمشر د سې‌شنبې په ورځ وویل، لاتینې امریکا، کارابین او نړۍ یوې پیاوړې کلتوري انقلاب ته اړتیا لري چې د انسانیت غوره ارزښتونه بیا راژوندي کړي.

نیکولاس مادورو ټینګار وکړ چې ونزویلا د یوې نوې انساني تمدن د جوړولو پلوی دی، چې په تاریخ او ارزښتونو ولاړ وي او دا د تعلیم، کلتور او ټولنیزو توقعاتو په برخه کې بنسټیز بدلونونه تضمینوي.

د ونزویلا د دولت مشر زیاته کړه چې د ونزویلا خلک د ملي دولت په ملاتړ هغه څه کوي چې سم یې بولي او د هوګو چاوز میراث ته دوام ورکوي، هغه چې د ۲۱مې پېړۍ د بولیواري، انسان‌پالنې، مسیحي او سوسیالیستي کلتوري انقلاب پیلوونکی و.