ملګري ملتونه: صهیونیسټ میشت ښارګوټي قانوني رواوالی نه لري

پارس ټوډې - د ملګرو ملتونو د ځانګړي همغږي کوونکي مرستیال وايي چې د صهیونیسټان میشت ځایونه قانوني مشروعیت نه لري.

د ملګرو ملتونو د ځانګړي همغږي کوونکي مرستیال "رمیز الکباروف"، بیګا  ماښام د لویدیځې آسیا د وضعیت په اړه د امنیت شورا په غونډه کې، چې په کې د فلسطین مسئله هم شامله وه، په غزې باندې د صهیونیسټ رژیم بریدونه وغندل او ویې ویل چې په سیمه کې اوسنی وضعیت له اخلاقي، سیاسي او قانوني پلوه د منلو وړ نه دی.

الکباروف زیاته کړه: د کورونو د ویجاړولو، د اوسیدونکو د ایستلو او د محدودیتونو د لګولو په شمول د صهیونیسټي رژيم سیاستونو چې د فلسطینیانو ورځنی ژوند یې فلج کړی دی، له بشري حقونو څخه ښکاره سرغړونه ده.