فارین افرز: حماس به له مبارزې لاس وانخلي
پارس ټوډې - یوې امریکايي مجلې ټینګار کړی چې حماس به له اسرائیلو سره له مبارزې لاس وانخلي.
د امریکا د «فارین افرز» مجلې په یوه تحلیل کې لیکلي: د ټرمپ د پلان دویم پړاو به د یو لړ ستونزمنو مسلو، لکه د حماس بېوسله کولو او د فلسطین د حکومت راتلونکي سره مخ شي.
د پارس ټوډې د راپور له مخې، که تجربه د قضاوت معیار وټاکل شي، حماس به د خپل سیاسي او پوځي موقعیت د ساتنې لپاره په کلکه مبارزه وکړي.
داسې ښکاري چې حماس به، لکه د تېر په څېر، نوي مبارزین جذب کړي او خپل کادر به د ترلاسه شویو یا خپله جوړو کړل شویو وسلو سره سمبال کړي. په ساده الفاظو، که څه هم حماس د اوربند د لومړي پړاو سره ملتیا کړې، خو د مبارزې له دوام څخه د لاس اخیستو نیت نه لري.
فارین افرز لیکي: د اسرائیلو یوه اندېښنه دا ده چې د اوسني تبادلې پلان له لارې د فلسطیني بندیانو خلاصون به، د راتلونکي سنوار د خلاصون لامل شي، هغه څوک چې پخپله په ۲۰۱۱ کال کې تبادله شوی وو. هغوی اندېښمن دي چې حماس به د نوي نسل تر مشرۍ لاندې راشي، هغه نسل چې د یحیی سنوار (د اکتوبر ۷مې د برید پلانوونکي) په څېر، په اسرائیلي زندانونو کې لا ډېر باانګیزه او هوښیار شوی دی.
