دافغانستان دحکومت مشرانو دکابل حمله وغندله .
-
د افغانستان پخواني ولسمشر حامد کرزي هم دغه حمله په کلکه وغندله .
زمونږخبریال وایی دافغانستان ولسمشر اشرف غنی دکابل په باقرالعلوم جومات کښې په حسینی عزادارو د داعش وهابی صهیونیسټی تکفیری ترهګرې ډلې په حملې دسختې خواشینۍ په څرګندولو سره دغه ستر او دنه بخښلووړ جنایت او حمله دافغانستان دخلکو ددښمانانو کار وباله .
دافغانستان ولسمشر په مذهبی او سپیڅلیو ځایونو حملې له اسلام او د افغانستان له خلکو سره د دښمنی او د اختلاف د اچولو لپاره هڅه وبلله .
دافغانستان دحکومت اجرایی مشر عبدالله عبدالله هم ددغه حملې دغندلو په ترڅ کښې وویل په کابل کښې په باقر العلوم جومات حمله چې لسګونو ماشومان ، ښځې او سړی پکښې ووژل شول له اسلام او انسانیت سره ښکاره دښمنی ده .
هغه وویل په دینی سپیڅلتیاو حمله د بربریت او دظلم ښکاره نښه ده .
د افغانستان پخوانی ولسمشر حامد کرزی هم دغه حمله په کلکه وغندله .
هغه دغه له انسانیت لیرې او دنا بخښلو وړ حمله دافغانستان د دښمانانو او د ټولواسلامی او بشری ارزښتونو او اصولو پرخلاف کار بللی دی .
