دامریکا د ولسمشر پلان د سیمې دهیوادونو پرضد دسیسه ده
-
عراق د فلسطین او دبیت المقدس د ملاتړ په ترڅ کښې دهغو ټولو اقداماتو چې دقدس په باره کښې دامریکا د ولسمشر ډونالډ ټرمپ دفیصلې پرضد کیږي هرکلی کوي .
زمونږ خبریال وایی د عراق دبهرنیو چارو وزیر ابراهیم جعفری وویل له تل ابیت څخه بیت المقدس ته د امریکا دسفارت انتقالول دسیمې دټولو هیوادونو او په تیره بیا دبیت المقدس د واکمنۍ پرضد دسیسه ده .
هغه ټینګار وکړ قدس نه یوازې د فلسطین بلکې د ټولو عربی او اسلامی هیوادونو او دنړۍ دازادی غواړو مسله ده او عراق د فلسطین او دبیت المقدس د ملاتړ په ترڅ کښې دهغو ټولو اقداماتو چې دقدس په باره کښې دامریکا د ولسمشر ډونالډ ټرمپ دفیصلې پرضد کیږی هرکلی کوی .
دعراق دبهرنیو چارو وزیر ابراهیم جعفری د عراق د ملی ، دینی او سیاسی انسجام د له مینځه وړلو او د هیواد د ویشلولپاره نړیوالو او سیمه ایزو پلانونو ته په اشارې سره وویل دبغداد حکومت په دسیسو د غلبې دیوازنۍ لارې په توګه د ملی وحدت او پیوستون د ساتلو لپاره خپلې هڅې ته دوام ورکوی .
هغه په عراق کښې له تکفیری ترهګرو سره د جنګ له کبله د ورانو شویو سیمو او کورونو د بیارغاونې په اړه وویل هیواد باید د خپلو خلکو په وسیله بیا ورغول شی خو اوسنیو شرایطو او لوړ پوځی لګښت ته په پام سره دعراق دبیارغاونې مسله د نړۍ له ډیرو هیوادونو سره مطرح شوی ده .
