روسیه د سوریې پرضد دبندیزونو دختمیدا ملاتړ کوی
-
د سوریې د کړکیچ دحل په اړه داستانه دنړیوالې غونډې اتم(۸)پړاو پرون او نن په قزاقستان کښې ترسره کیږي .
ایرنا خبری اژانس وایی د روسیې د بهرنیو چارو وزیر سرګی لاوروف وویل ماسکو د سوریې پرضد دبندیزونو دلغوه کیدا ملاتړ کوی .
هغه پرون په ماسکو کښې دسوریې په چارو کښې دملګروملتونو له ځانګړی استازی اسټیفن ډی میستورا سره په ګډ خبری کانفرنس کښې وویل دسوریې پرضد د لویدیځو هیوادونو ټول یواړخیزه بایکاټونه چې ددغه هیواد په ښاریزو یې اغیز کړی دی باید لغوه شی .
د روسیې خارجه وزیر سرګی لاوروف دغه راز په «سوچی» ښار کښې د سوریې د ملی خبرو د غونډې د ترسره کولو لپاره د اقداماتو په باره کښې د خبرو لپاره د ماسکو په چمتووالی ټینګار وکړ .
دسوریې په چارو کښې دملګروملتونو ځانګړی استازی اسټیفن ډی میستورا هم په دغه خبری کانفرنس کښې وویل دسوریې دمسایلو دحل په بهیر کښې د پام وړ پرمختګونه ترلاسه شوی دی .
هغه د روسیې له دفاع وزیر سرګی شایګو او له خارجه وزیر سرګی لاوروف سره په کتنو کښې هم ویلی روان میلادی کال د سوریې لپاره ځانګړی کال وو او ددغه هیواد دکړکیچ په حل کښې ستر بریالیتوبونه ترلاسه شوی .
د سوریې د کړکیچ دحل په اړه داستانه دنړیوالې غونډې اتم(۸)پړاو پرون او نن په قزاقستان کښې ترسره کیږی .
