د نوبل د سولې انعام ته د صهیونسټ ضد سازمان کاندیدیدل
د ناروی د پارلیمان یو غړي په رسمي توګه د صهیونسټ ضد سازمان بي ډي ایس، د نوبل د سولې د انعام لپاره د کاندیدا په توګه معرفي کړ.
د ایرنا خبري اژانس د پروني راپور له مخې د ناروی د پارلیمان غړي بجورینارا موکسنس په یوې مطبوعاتي بیانیې کې اعلان وکړ: د بایکاټ، نه پانګه ونې او بندیز د نړیوال غورځنګ بي ډي ایس کاندیدا، د عدالت کرامت او د اسراییلو رژیم له نیواکګرو اقداماتو د ازادۍ لپاره د فلسطینیانو له مبارزې سره د زیاتیدونکي نړیوال پیوستون انعکاس دی. د دغه بیانیې له مخې دغه غورځنګ ته د ۲۰۱۸ کال د سولې د انعام ورکول به د فلسطینیانو او د مینځني ختیځ د ټولو خلکو لپاره له عادلانه سولې د ملاتړ لپاره د نړیوالو ټولنې په ژمنې تاکید وي.
بي ډي ایس یو نړیوال او صلح پسند غورځنګ دی چې د فلسطینیانو لپآره د ازادۍ مساواتو او عادلانه سولې پلوی توب کوي.
دغه غورځنګ چې یوولس کاله مخکې د جنوبي افریقې د توکم پال ضد سوله ایز غورځنګ په الهام سره جوړ شو د نړۍ په کابو پنځوسو هیوادونو کې د اتحادیو، ټولنو، پوهنتوني ټولنو کلیساګانو او اصیلو غورځنګونو له ملاتړه برخمن دی.
نوبل انعام د هر کال د دسمبر په لسمه د ناروی په پلازمینه اوسول کې په پینځو څانګو، سوله، کیمیا، فیزیک، طب او ادبیاتو کې خپل انعام ګټونکو ته وړاندې کوي.
