چین د امریکا او د شمالی کوریا ترمینځ دخبرو هرکلی وکړ
-
پیانګ یانګ په ځلونو له امریکا سره خبرو ته ګروهنه اعلان کړي ده .
زمونږخبریال وایی چین هیله وکړه چې دشمالی کوریا او دامریکا دچارواکو ترمینځ خبرې اترې وکولای شی په کوریا ټاپووزمې کښې د اټومی مسایلو له حل سره مرسته وکړی .
د چین د باندنیو چارو دوزارت ویندوی «لوکانګ» پرون په پیکینګ کښې په خبرې کانفرنس کښې وویل دغه هیواد د شمالی کوریا او دجنوبی کوریا ترمینځ د اړیکو دښه کیدا هرکلی کوی .
هغه وویل د اړیکو ښه کیدل د شمالی کوریا او دامریکا د چارواکو ترمینځ د خبرو له پرمختګ سره اړه لری .
دچین دبهرنیو چارو د وزارت ویندوی وویل امریکا او شمالی کوریا باید د اړیکو دښه کیدا ، په سیمه کښې د حالاتو د حل او دغه راز په کوریا ټاپووزمې کښې د ثبات او دصلحې د ساتلو لپاره په پرله پسې ډول هڅو ته دوام ورکړی .
په تیرو دوو(۲) اونیو کښې په جنوبی کوریا کښې د اولمپیک په ژمی لوبو کښې د شمالی کوریا د پلاوی له ګډون وروسته د شمالی او دجنوبی کوریا چارواکو د تاوتریخوالی دکمولواو د اړیکو د ښه کیدا غوښتنه کړی ده .
امریکا د ولسمشر ډونالډ ټرمپ له نوی ستراتیژۍ او د شمالی کوریا د توغندوی ازموینو دمخنیوی په بلمه په کوریا ټاپووزمې کښې د کړکیچ په زیاتولو سره دشمالی او دجنوبی کوریا ترمینځ خبرې اترې پیچلی کړی دی .
د شمالی کوریا دلوړرتبه پلاوی مشر «کیم یونګ چول» سئول ته په سفر کښې د جنوبی کوریا د ملی امنیت له لوړرتبه سلاکار «چونګ یویی یونګ» سره په کتنې کښې وویل پیانګ یانګ په ځلونو له امریکا سره خبرو ته ګروهنه اعلان کړی ده .
خو امریکا ویلی دی په هغو خبرو کښې به ګډون وکړی چې د شمالی کوریا د اټومی بې وسلې سبب شی .
