متحده عربی امارات په لیبیا کښې دنفوذ هڅه کوی
-
سعودي عربستان او متحده عربي امارات په یمن کښې د خپل نفوذ د زیاتولو لپاره له یوبل سره سیالۍ کوي او دیوبل د حذفولو کوشش هم کوي .
زمونږ خبریال وایی د ملګروملتونو یوشمیر کارپیژاندو وویل د متحده عربی اماراتو تر کنټرول لاندې د لیبیا په ختیځ کښې المرج ښار ته نږدې الخادم هوایی ډګر او پوځی اډه د غیر عادی ودانیو دجوړیدا کتونکی ده .
عربو رسنیو هم په لیبیا کښې د پوځی شتون دپراخولو لپاره دمتحده عربی اماراتو د هڅې خبر ورکړی .
راپورونه وایې چې په لیبیا کښې دمتحده عربی اماراتو پوځی شتون او دهغه پراخول د ملی وفاق دحکومت چې نړیوالې ټولنې تائید کړی له موافقې او اطلاع پرته ترسره کیږی .
د بریتانیا میډل ایسټ اینټرنیټ پاڼې هم راپور ورکړی دمتحده عربی اماراتو هوایی ځواک د لیبیا په ختیځ کښې د جنرال خلیفه حفتر د ځواکونو دملاتړ لپاره په ځینو هوایی بریدونو کښې برخه اخیستی ده او په ځلونو یې د هغه د سیالو ډلو په مرکزونو بمبارې کړی دی .
متحده عربی امارات دنړۍ په ډیرو هیوادونو په تیره بیا لیبیا، یمن ،سوریې پاکستان ، افغانستان وغیره کښې له ترهګرو ډلو سره زیاتې مالی او پوځی مرستې کوی او دغه هیواد کوشش کوی په یمن کښې خپل نفوذ پراخ کړی .
سعودی عربستان او متحده عربی امارات په یمن کښې د خپل نفوذ د زیاتولو لپاره له یوبل سره سیالۍ کوی او دیوبل د حذفولو کوشش هم کوی .