په مینځنی ختیځ کې د امریکا شتون د وژلې سبب دی

د امریکا کارپیژاند او شناند اسکاټ بنیټ (Scott Bennett)له پریس ټیلی ویژن سره په مرکه کښې له عراق څخه د امریکا د وتلو د ضرورت په اړه وویل په حقیقت کښې د سیمې هیوادونه دغه واک لری چې فیصله وکړی د کوم هیواد عسکر هلته پاتې شی او دکوم هیواد عسکر ووځی .

هغه وویل امریکا دعراق د خلکو له خوښې پرته عملا دغه هیواد په نیواک کښې وروستلی دی .

دامریکا دغه کارپیژاند وویل په عراق کښې د واشنګټن پوځی شتون کاملا غیر قانونی  دی  او دجنګی جنایت نښه ده .

هغه ټینګار وکړ امریکا د ډیموکراسۍ او د بشری حقوقو په پلمه د هیوادونو په کورنیو چارو کښې لاسوهنه کوی او جنګونه رامینځته کوی او هیوادونه  نیسی او په  جنګونو رامینځته کولو سره دهیوادونو بیخ بنایانې تباه کوی او دهیوادونو شتمنۍ چورتالان کوی .