محمد بن سلمان د جمال خاشقجی د وژلو حکم ورکړی

ایرنا خبری اژانس وایی دامریکا دمشرانو جرګې دبهرنیو اړیکو د کمیټۍ مشر باب کورکر یوځل بیا ټینګار وکړ چې د سعودی عربستان ولیعهد محمد بن سلمان د خبریال جمال خاشقجی د وژلې حکم ورکړی دی .

باب کورکر د خبریال جمال خاشقجی په وژلې کښې د  لاس لرلو په هکله د محمد بن سلمان په نه تنبیه کولو نیوکه وکړه او ویې ویل د سعودی عربستان ولیعهد سلمان داسې فکر کوی چې په ټوله دنیا کښې خپل مخالفان او نیوکه کونکی وژلی شی پرته له دې چې کومې پایلې دهغه په تمه وی .

امریکا تراوسه د عربستان له غندلو ډډه کړی ده چې له ریاض سره د خپلو سترو پوځی تړونونو ساتنه وکړی .

واشنګټن پوسټ ورځپاڼې هم ویلی امریکا او سعودی عربستان هڅه کوی د جمال خاشقجی وژله داسې تفسیر کړی چې پکښې د محمد بن سلمان له لاس لرلو انکار وکړی .