ټرمپ: د بن سلمان ترڅنګه به ټينګ اودريږوو
د امريکې ولسمشر ډونالډ ټرمپ بېګا وويل، د جمال خاشقجي د قتل د ماجرې په سر د سعودي په وليعهد د سختو نيوکو باوجود به هم هغه شان د محمد بن سلمان ملاتړ وکړوو.
د امريکې حکومتي چارواکي په تېره بيا ټرمپ په دې وروستيو ورځو کښې په داسې حال کښې چې سعودي په يمن باندې د يرغل او د سعودي د نيوکه کونکي جرنلېسټ جمال خاشقجي د قتل په وجه د نيوکو له سېلاب سره مخامخ دے له سعوديانو دفاع کوي.
د امريکې ولسمشر ډونالډ ټرمپ بېګا په يوه بيانه کښې وويل ، امريکه به د سعودي انډيواله پاتې شي حتی که د خاشقجي د قتل له پلاننګ څخه د سعودي وليعهد خبر هم وي.
ټرمپ په دغه بيانيه کښې همدارنګ له واشنګټن سره د رياض د وسلو د تجارت ستائنه وکړه او تاکيد يې وکړ، امريکه به په سعودي د وسلو خرڅون ته دوام ورکړي.
د امريکې حکومت تراوسه د خاشقجي د قتل په دوسيه کښې د رياض له غندلو ډډه کړې او کوشش کوي چې له رياض سره د خپلو غټو غټو معاهدو ساتنه وکړي.
واشنګټن پوسټ په يو رپوټ کښې وويل، واشنګټن او رياض کوشش کوي چې د خاشقجي قتل داسې تفسير کړي چې پکښې د بن سلمان له روله انکار وشي.
