طالبان باید دافغانستان له حکومت سره خبرې وکړی

ایرنا خبری اژانس وایی د افغانستان په چارو کښې د ملګروملتونو ځانګړی استازی« تادامیچی یاما موتو» په طالبانو ډلې غږ وکړ نیغ په نیغه د افغانستان له حکومت سره خبرې وکړی .

هغه د افغانستان په هکله د ملګروملتونو دامنیت شورا په بیګا غونډې کښې وویل په دغه هیواد کښې د جنګ دختمیدا او د امنیت دتامینیدا یوازنۍ لاره د کابل دحکومت او د طالبانو ډلې ترمینځ د سولې خبرې اترې دی .

د افغانستان په چارو کښې دملګروملتونو ځانګړی استازی تادامیچی یاماموتو زیاته کړه  ملګری ملتونه په افغانستان کښې د جنګ دختمیدا او دسولې دټینګیدا لپاره د ټولو هڅو ملاتړ کوی .

دافغانستان دملی امنیت سلاکار«حمد الله محب» هم په دغه غونډې کښې په طالبانو غږ وکړ چې له جنګ لاس واخلی او د افغانستان له حکومت سره خبرې وکړی .

حمد الله محب وویل سوله دافغانستان دخلکو اړتیا ده او خلک له جنګه ستړی شوی دی .