جرمنی اټومی موافقې ته پاې بند دی

زمونږخبریال وایی د جرمنی دبهرنیو چارو وزیر هایکو ماس دایران پرضد د زیات دباو په راوستلو کښې دامریکا په سیاست نیوکه وکړه او هغه یې بې نتیجې وباله .

هغه وویل جرمنی د اټومی تړون په هکله د ډیپلوماټیکې لارې د وړاندې کولو  لپاره په خپلې ژمنې ټینګار لری .

د جرمنی خارجه وزیر مخکې هم ویلی وو برلین په اټومی تړون کښې خپلو ژمنو ته پاې بند دی او له ایران څخه هم اټومی تړون ته د پاې بندۍ هیله لری .

هغه د لویدیځې اسیا حالت ډیر خطرناک وباله او ایران او امریکا یې ارامښت او له هرډول تاوتریخوالی څخه ډډه کولو ته وروبلل .

دجرمنی خارجه وزیر هایکو ماس وویل ممکنه ده ترهګرې ډلې د ایران او د امریکا ترمینځ تاوتریخوالو ته لمن ووهی او جنګ ته ددغو دوو(۲) هیوادونو دلسمولو په هدف سره خپلې حملې او تاوتریخوالی زیات کړی .