امریکا مینځنی ختیځ ته پوځیان نه استوی

زمونږخبریال وایی دامریکا ولسمشر ډونالډ ټرمپ پرون په سپینې ماڼۍ کښې له ایران سره د مقابلې په پلمه مینځنی ختیځ ته د خپل هیواد د پوځیانو داستولو په هکله د خبریالانو پوښتنې ته په ځواب کښې ټینګار وکړ لیرې ښکاری چې دغه کار ته ضرورت وی .

هغه وویل له هغه څه سره دمقابلې لپاره چې د ایران لخوا ګواښ یې وباله مینځنی ختیځ ته د عسکرو د استولو اړتیا نه وینی .

دامریکا ولسمشر ټرمپ په عین حال کښې مینځنی ختیځ ته د پوځیانو د استولو په هکله دخپل هیواد له پوځی چارواکوسره د غونډې دترسره کیدا خبر ورکړ او ویې ویل که  چیرې یوه (۱)  ورځ ضرورت پیدا شی  دغه سیمې(مینځنی ختیځ ) ته به ځواکونه واستول شی .

ټرمپ دغه راز دایران پرضد خپلو ادعاګانو ته دوام  ورکړ او ادعا یې وکړه چې ایران دترهګرۍ ملاتړی او په مینځنی ختیځ کښې دتهران سیاستونه خطرناک دی .