چين او اروپائي اتحاديې بيا د برجام په ساتنې تاکيد وکړ

د چين خارجه وزير وانګ يي او د اروپائي اتحاديې د بهرنيو سياست مشرې فيډريکا موګريني د تائيلېنډ په پائتخت بېنکاک کښې د آسه آن د غونډې ترڅنګه کتنه او د برجام ايټمي موافقې په ساتنې يو ځل بيا تاکيد وکړ.

د فارس خبري اژانس د رپوټ له مخې وانګ يي او مېرمن موګريني په دغه کتنه کښې موافقه وکړه چې د برجام د ساتنې لپاره به کوششونو ته دوام ورکوي.

دواړو خواو همدارنګ د ايران په خلاف د امريکې د ډېر زيات دباو له سياست سره خپل مخالفت څرګند کړ او د ټولو خواو د صبر او د تاوتريخوالي له زياتولو څخه د ډډې کولو غوښتنه وکړه.