امریکا د ایران پرضد تبلیغاتو ته دوام ورکړ
-
دایران اسلامي جمهوریت په سیمه کښې د امریکا او دصهیونیسټ رژیم له اقداماتو او دسیسو سره په مقابلې کښې اساس رول لوبوي .
فارس خبری اژانس وایی د امریکا دبهرنیو چارو وزیر مایک پمپئو پرون یوځل بیا دایران داسلامی جمهوریت پرضد خپلو چټی ادعاګانو او تورونو ته دوام ورکړ .
هغه په مینځنی ختیځ کښې د سولې او دامنیت په چیلنجونو د غور لپاره د ملګروملتونو دامنیت شورا په غونډې کښې دایران اسلامی جمهوریت له ترهګرۍ په ملاتړ تورن کړی او ادعا یې وکړه ایران په سیمه کښې بې ثباتۍ ته لمن وهی .
د امریکا خارجه وزیر په دغه غونډې کښې ادعا وکړه چې ایران په عراق ، سوریې او یمن کښې د ترهګرۍ دپراخولو هڅه کوی .
امریکا له اټومی موافقې وتلو وروسته د ایران پرضد د دباونو د راوستلو لپاره هراړخیزه هڅې او اقدامات پیل کړی دی خو ناکامه پاتې شوی ده .
دایران اسلامی جمهوریت په سیمه کښې د امریکا او دصهیونیسټ رژیم له اقداماتو او دسیسو سره په مقابلې کښې اساس رول لوبوی .
ایران دغه راز په عراق او سوریې کښې د امریکا او دهغې د ملګرو هیوادونو له ملاتړ وړ ترهګرو ډلو سره د مبارزې لپاره د بغداد او ددمشق په رسمی غوښتنه د پوځی سلاکارانو مرسته کوی داسې اقدام چې دامریکا چارواکی یې هیڅکله نه خوښوی .
