د پاکستان او افغانستان ترمینځ د تورخم سرحدی لاره وتړل شوه
ازبکستان ، تاجیکستان او ترکمنستان هم د کروناویروس له ویري له افغانستان سره پولې تړلي دي
د صدای افغان خبري اژانس له راپور سره سم پاکستان تر دې مخکې ویلي وو چې د مارچ میاشتې له ۱۶ مې نېټې څخه به د تورخم لار وتړي، چې له ژمنې سره سم یې نن دغه لویه لار د تګ راتګ او همداراز د سوداګرۍ راکړې- ورکړې په مخ تړلې ده.
تر دې وړاندې په کابل کې د پاکستان سفارت افغانانو ته د ویزو په ورکولو هم بندیز لګوی دی، او د کرونا ویروس له وجې دغه بهیر ځنډول شوی دی.
دا مهال افغانستان او پاکستان کې د کورونا ویروس یو شمېر پېښې ثبت شوي، چې له همدې امله د یاد ویروس د لاډېر خپرېدو د مخنیوي په دلیل د تورخم لاره تړلې شوی ده.ازبکستان ، تاجیکستان او ترکمنستان هم د کروناویروس له ویري له افغانستان سره پولې تړلي دي .
دا په داسې حال کی دي چی په افغانستان کی په کرونا د اخته کسانو شمیر ۲۱ او پاکستان کې هم کابو۹۰ کسانو ته زیات شوی دې .
.
