امریکا د ملکي وګړو د وژلې په هکله دروغ وايي
زمونږ خبریال وايي د بښنې نړیوالې موسسې ایمنیسټي اینټرنیشنل (Amnesty International) وویل د امریکا دفاع وزارت پینټاګان د افغانستان د پاکستان او د عراق په شمول د سیمې په هیوادونو کښې په خپلو هوايي بریدونو کښې د وژل شویو کسانو د شمیر په هکله دروغ وايي .
د بښنې نړیوالې موسسې په یوه (۱) ټویټر پیغام کښې وویل د امریکا دفاع وزارت پینټاګان د واشنګټن په هوايي بریدونو کښې د وژل شویو ملکي وګړو د شمیر په هکله دروغ وايي او په دې هکله د دقیق شمیر له وړاندې کولو ډډه کوي .
په افغانستان ، پاکستان او عراق کښې د امریکا په هوايي حملو کښې هرکال په زرګونو ملکي وګړي مړ کیږي یا ژوبلیږي .
که څه هم د امریکا حکومت له ترهګرو سره مبارزه د دغو حملو پلمه اعلانوي خو د بشري حقوقو نړیوالې ادارې واشنګټن د نړۍ په بیلابیلو هیوادونو کښې د بشري حقوقو خلاف ورزۍ کونکی او د تاوتریخوالي او د ترهګرۍ اصلي ملاتړی معرفي کوي .
