د امریکا جګړه د عراق د ننیو مشکلاتو اصلي عامله ده
د امریکا پخواني دفاع وزیر چک هیګل (Chuck Hagel) په عراق کښې د واشنګټن د دوه زره دریم (۲۰۰۳) میلادي کال جنګ د دغه هیواد د اوسنیو مشکلاتو اصلي عامل او او د امریکا یوه (۱) ستره او خطرناکه غلطۍ وبلله .
چک هیګل چې د امریکا د تاریخ څلورویشتم (۲۴) دفاع وزیر و له المانیټور اینټرنیټ پاڼې سره په مرکه کښې د خپل هیواد د پخوانیو ولسمشرانو جارج ډبلیو بوش او باراک اوباما په دریځونو باندې د نیوکې په ترڅ کښې د واشنګټن د ۲۰۰۳ میلادي کال نیواکګرانه جنګ د عراق د نن ورځې د مشکلاتو اصلي عامل وباله .
هیګل وویل تاریخ حقیقت ښکاره کړ او معلومه شوه چې د امریکا د ولسمشر جارج ډبلیو بوش حکومت او چارواکو په عراق باندې د حملې لپاره د ۲۰۰۲ میلادي کال په فیصلې کښې دروغ ویلي دي او زیاته یې کړه معلومه شوه چې په عراق کښې باندې د حملې لپاره په ټولو ځایونو کښې دوکه وه او په عراق کښې هیڅ ډول ډلوژونکي وسلې نه وې .
چک هیګل چې له دوه زره دیارلسم (۲۰۱۳) میلادي کال څخه تر دوه زره پینځلسم (۲۰۱۵) میلادي کال پورې وخت کښې د پخواني ولسمشر باراک اوباما په حکومت کښې دفاع وزیر په دغه مرکې کښې د سوریې په وړاندې د خپل هیواد د پروګرام په نلرلو هم نیوکه وکړه .
