د ایران معیوبه میرمنه ښکلي انځورونه جوړوي

زمونږ خبریال وايي د ایران یوې (۱) معیوبي میرمنې د خپل معیوب توب په مجبورۍ نه شمیرلو سره د دغه خبرې عملي ثبوت وړاندې کړی دی .

د ایران دغه معیوبه میرمنه فاطمي حمامي نصر ابادي   په خپلو پښو سره د انځورونو په جوړولو کښې مهارت لري .

د ایران دغه یودیرش (۳۱) کلنه میرمنه د سفید شهر وسیدونکي ده او هغه په پیدایشي ډول معیوبه ده خو هغې د خپل معیوب توب په مجبورۍ نه ګڼلو سره ثابته کړه چې معیوب توب مجبوري نه ده .

د ایران د دغه معیوبې انځورګرې د جوړو انځورو په لیدو سره خلک نه یوازې د هغې د فن ستاینه کوي بلکې د هغې د حوصلې او همت ستاینه او قدرونه هم کوي .

د ایران دغه معیوبې میرمنې د فټبال د لیونل میسي او  د کرسټیانو رونالډو په شمول د نړۍ د ډیرو مشهورو کسانو انځورونه جوړ کړي دي .