امریکا دې دایران په ضد غیر انساني بندیزونه ختم کړي

چامسکي زیاته کړې ده ،د بندیزونو علت دامریکا له سیاستونوڅخه د ایران د حکومت پيروي نه کول او ددغه ملت خپلواکي ده .

ایرنا خبری آژانس  راپور ورکړ د امریکا تکړه متفکر او تجزیه وړاندې کونکی نوام چامسکي بیګا په یولړ څرګندونو کې د ایران د ملت په ضدامریکائي حکومت غیرانساني بندیزونه د شکنجې لپاره یو آوزار بللی او وئيلي ئې دي ،  دایران په ضد دبندیزونو دوام  هیڅ رواوالی نه لري .

  چامسکي زیاته کړې ده،د بندیزونو علت دامریکا له سیاستونوڅخه د ایران د حکومت پيروي نه کول او ددغه ملت خپلواکي ده .

 و اشنګټن پوسټ ورځپاڼې هم بیګا په یوه راپور کې د مالی او تجارتي شناندو  له قوله لیکلي دي ،د ایران په ضد د امریکا اقتصادي بندیزونو د کروناویروس ضد واکسن ته ددغه هیواد  لارس رسي خنډ کیدلی شي .

شناندي هم خبرداری ورکوي ، مالی بندیزونه په کواکس (covax) پروګرام  کې د ګډون او له دې سره د اړونده طبي شیانو د اخستو لپاره دایران خنډ دي .

کواکس هغه پلان دی چې  د نړۍ ۷۶شتمن هیوادونه پکې په ګډون سره ژمن شوي دي  د روغتیا د نړیوالې ادارې  په لارښونې سره د کرونا ویروس ضده واکسین  له یو نړیوال پروګرام  سره یو ځاي شي . ددغه مرستندویه پروګرام  موخه  د کرونا واکسن  عادلانه پلورنه او ویش دی .