سریلانکا کې په حجاب او دیني مدرسو باندې پابندۍ ولګېدلې

د سریلانکا د امنیت وزیرا په یوه خبري غونډه کې وویل چې په کابینه کې پرېکړه شوې چې د مسلمانو ښځو د مخ پر پټولو بندیز ولګول شي.

د سریلانکا د امنیت وزیر  سارات ویراسیکر وايي چې حکومت غواړي چې په سرلانکا کې تر زرو ډېرې اسلامي مدرسې هم بندې کړي.

دا په داسي حال کې دی چي د سریلانکا حکومت تر دې مخکې د کرونا وایروس د خپراوی په دوران کې د مړو د اجباري سوځولو قانون هم پلي کړی و چي د مسلمانانو له غبرګون سره مخ شو.

په سریلانکا کې د سینهالی د حکومت په راتلو سره د ۲۰۱۹ میلادي کال راپه دې خوا د بشري حقونو فعالین په دغه هیواد کې د مسلمانانو په وړاندې د تېروتنو د زیاتېدو خبر ورکوي.