د جرمني پوځ د هیواد د ساتلو جوګه نه دی

زمونږ خبریال راپور راکړی د جرمني دفاع وزیر «بوریس پیستوریوس» خبرداری ورکړ که چیرې د جنګ حالت راوتپل شي نو ملي پوځ د هیواد د ساتنې جوګه نه دی.

هغه د جرمني د ټولنیز ډیموکراټ ګوند د فراکسیون په کانفرنس کښې وویل که چیرې د جنګ حالت راوتپل شي د جرمني ملي پوځ د مادي اډانۍ د کمزورتیا او د وسله والو ځواکونو د کسانو د سخت کمښت په دلیل د هیواد د خاورې د ساتولو جوګه نه دی.

د جرمني دفاع وزیر بوریس پیستوریوس وویل مونږ داسې پوځ نلرو چې له دفاعي وسونو څخه برخور وي، مونږ داسې وسله وال ځواکونه نلرو چې وکولای شي له مونږه  د یوه سخت یرغلیز جنګ په مقابل کښې حفاظت وکړي.