Pars Today

د مسلمانې ښځې د شخصیت یوه مهمه ځانګړنه چې د اسلامي انقلاب له برکته یې په ځلولو کې مرسته وکړه، د ښځو ایثار او سرشیندنه وه

هغه حرکت چې د ایراني ښځو له اسلامي انقلاب سره پیل کړ د نړۍ لپاره یو نوی پیغام رامینځته  کړ او څرګنده یې کړه چې هغه د تاریخ لارښوده ده او په ټولنه کې پرېکنده رول لوبولی شي.حضرت  ایت ا... العظمی سیدعلی  خامنه ای په دې باور دی چې د ښځو هر اړخیز پرمختګ یوازې د ایران په ښځو کې لیدل کیدی شي، هغه هم د اسلامي انقلاب په رڼا کې، هغوپه ​​دې اړه وفرمایل: زمونږ د هیواد ښځې  د نړۍ.  له بل هر ځای غوره دي. کله چې د کار وخت راشي، سیاسي، کلتوري او تشکیلاتي کارونه مخ په وړاندې دي. کله چې د جهاد وخت راشي نو خپل اولادونه جبهی ته استوي. کله چې د کور ساتلو او د ماشومانو لویولو وخت راځي، دوی د کور ساتونکي دي. دا ټول په نړۍ کې نادر دي. دا خورا ارزښتناکه دي. ښوونه او روزنه اسلامي ده او هیله من دی.

د مسلمانې ښځې د شخصیت یوه مهمه ځانګړنه چې د اسلامي انقلاب له برکته یې په ځلولو کې مرسته وکړه، د ښځو ایثار او سرشیندنه  وه. د اسلامي انقلاب په وخت کې ښځو د خپل هېواد د برخليک په اړه د نارينه وو ترڅنګ او حتی تر هغوی مخکې هم فکر کاوه او د خپل هېواد د سرلوړي ​​لپاره يې هڅې کولې. د بېلګې په توګه په کلیو او محرومو سیمو کې د جهاد د جوړولو او له بزګرانو سره د مرستې په لاره کې د ښاري ښځو ونډه یادولای شو، چې په اسلامي ټولنه کې د ښځو په زړونو کې د بښنې او قربانۍ له روح راوتلی و.

بې له شکه چې د نړۍ د هېوادونو مسلمانې ښځې تر اوسه د قربانۍاو سرشیندونو هغه ژورتیا نده  درک کړي چې د ایران مسلمانو مېرمنو د سپېڅلې دفاع په اتو کلونو کې درک کړي  دي. د اسلامی ایران د ښځو مبارزه او سرښندنه دومره ځلانده ده چې د تاریخ له سترګو به پټه نه وی . اسلام په ټولنه کې د ميندو او ښځو پر رول ټينګار کوي او باور لري چې د ټولنې ميندې بايد اصلاح شي تر څو د ټولنې د راتلونکي لپاره روښانه تاريخ جوړ شي او د هغې د غړو نجات تضمين شي.

د ایران د مسلمانو ښځو انقلابي روحیه او مبارزه د اسلام په تاریخ کې ریښې لري. مسلمانې ښځې د فاطمه زهرا او زینب کبری  (س)په بیلګې ګرځولواو د معصومو پیشوایانوله روایتونو په پیروی سره په ټولو ټولنیزو ډګرونو کې مخکښې پاتې شوې دي. بې له شکه حضرت فاطمه زهرا سلام ا...علیها د یوې کاملې انسانې او یوازنۍ معصومې میرمنې په توګه د ښځو لپاره تر ټولو غوره او لوړه نمونه او د تاریخ په اوږدو کې د ټولو انسانانو لپاره روښانه رڼا ده. حضرت زهرا (س) د نړۍ لپاره د پام وړ نمونه او غوره بیلګه ده. که څه هم هغی بی بی  لنډ ژوند درلود،  خو د ټولو نارینه وو او ښځو لپاره چې مومنان، مسلمانان او حتی غیر مسلمانان دي نمونه ده. د کمال او فضیلت د ترلاسه کولو او له ګمراهۍ د ژغورلو لپاره په مختلفو برخو کې د دې سترې  میرمنې د شخصیت د اړخونو ژوره او دقیقه پوهه لازمه او اړینه ده.

د حضرت زهرا (س) لور حضرت  زینب کبری (س)  هم یوه بله نمونه ده چې د پیغمبر اکرم (ص)  په کورنۍ کې یې د یوې باعزته ښځې رول په غوره توګه ادا کړ. د هغې بی بی  ستر شخصیت د کربلا له پیښې مخکې او په مدینې  کې خورا مشهور او ممتاز وو او د علم، روحانیت، اخلاقو او پاکۍ له لحاظه د یوې مسلمانې میرمنې  د پیروي  وړ ګڼل کیږي. میرمنې د کمال

د ایراني مسلمانو ښځو تر ټولو غوره ځانګړنه عفت، پاک لمني ، حجاب او د اسلامي چارو رعایتول دی . د دې ځانګړتیاوو نظر کې نیولو سره، یوه مسلمانه ښځه کولی شي په سیاسي او ټولنیزو فعالیتونو کې رول ولوبوي. د انقلاب ستر لارښود حضرت امام خمیني (رح) له ښځو غواړي چې په ټولو سیاسي، ټولنیزو، کلتوري او پوځي فعالیتونو کې د دین او ارزښتونو درناوی وکړي. د دوی  له نظره دښځو اصلي او مرکزي معنوي او اخلاقي ځانګړتياوې عفت او اسلامي حجاب دي چې نورو فعاليتونو ته ارزښت ورکوي. هغه  حضرت په ​​خپلو ویناوو او پیغامونو کې تل پر دې اهمیت ټینګار کړی اوفرمایلی  یې دي نن سبا ښځې باید خپلې ټولنیزې او دیني دندې سرته ورسوي او عمومي عفت  وساتي او د عفت او حیا په درناوي ټولنیز او سیاسي کارونه وکړي.

 حضرت امام خمیني رحمه ... د ښځو لپاره یوه مهم او اساسي رول ته قایل وو  او د نیکمرغۍ او سخت زړۍ له نظره یې د  بشري ټولنې ټیتې هسکې  د ښځو په اخلاقي،تربیتی  او سیاسي رول پورې اړونده  بللی او فرمایل یې چی  په ټولنه کې صلاح  او فساد د ښځو په نېکۍ او فساد پورې اړه لري.

د هر انسان جامې د هغه د وجود د هیواد بیرغ دی، هغه بیرغ چې هغه د خپل وجود په کور نصب کړی او په هغه سره اعلانوي چې د کوم کلتور پیروي کوي. د اسلام مبین دین په ښځو حجاب د فرد د شخصیت د ساتنې او ودې او د کورنۍ د بنسټ، عفت او اجتماعي اخلاقو د پیاوړتیا لپاره د یو مهم عامل په توګه فرض کړی دی. اسلامي انقلاب هم د اسلام د اصولو په رعايتولو او د پيغمبر(ص) په لار کښې د حرکت په مقصد جوړ شو چې نړۍ ته دا ثابته کړي چې اسلامي احکام او مقررات د ټولنو د پرمختګ مخه  نه نيسي او نه  د هغوي د پرمختګ مخه نيسي.

یوه مسلمانه ښځه د انقلاب په سطحه کولای شي په ټولنه کې په پوره عفت او پاکوالي سره او د اسلام له نظره د هغې د ټاکلو فعالیتونو په ساتلو سره کار وکړي. مسلمانې ښځې باید په دې پوه شي چې قوانین او مقررات، د بیلګې په توګه، په ځانګړې توګه له حجاب سره تړاو لري، د دې لپاره دي چې دوی ته په ټولنه کې کار کول اسانه کړي، نه د دوی د پرمختګ مخه نیسي.

د هېواد د پېچلو سياسي ستونزو سمه درک او له کورنيو، سيمه ييزو او نړيوالو سياسي حالاتو پوره آشنا کیدا  او د ديني او سياسي پوهې د کچې لوړول له انقلاب سره برابرې د يوې مسلمانې ښځې له مهمو ځانګړنو دي. د ایران د اسلامي انقلاب په تاریخ کې ښځې تل د اسلامي انقلاب د ځواکمنولاسونو په توګه ګڼل شوي او په اسلامي انقلاب کې د هغوی رول خورا لوی بلل شوی دی. بې له شکه د انقلابي مسلمانو ښځو ستر دیني، اخلاقي او کلتوري بدلون د نورو اسلامي هیوادونو د ښځو لپاره یو درس دی او کولای شي چې د اسلامي جمهوریت د ښځو په پیروي سره خپله ټولنه اصلاح کړي او خپل هیوادونه آزاد او خپلواکي ته ورسوي.

ګرانو اورېدونکو، د دې پروګرام وخت ختم  شو. تر راتلونکي پروګرام پورې مو په  مهربان خدای سپارو. په مخه مو ښه